“Payah …. payah …. payah !!!”
“Apane sing payah Gong”
“Kuwi lho Kang Petruk, si Paino putrane Lik Ponidi kae, mosok ditakoni jenenge mentri-mentri ra pada weruh. Semono ugo si Painem putrine Lik Paijo kae, ditakoni dasar negara, lambang negara, semboyan negara ra pada ngerti. Malah jawabane mung mbuh … mboten ngertos, mung mesam-mesem, ngguya-mgguyu wae. Wis ra nggenah bocah-bocah saiki !”
“Yo ra salah anake to Gong. Sing jeneng anak ki rak mung nampa apa piwulange guru lan wong tuwane to. Dadi ana sing salah ning pendidikane awake dhewe. Jamane awake dhewe disik, pelajaran cinta bangsa, piwulang bab kenegaraan diajari kanti temenan. Mula nek ditakoni sing kaya mau, sasat murid wis pada ngerti. Jalaran wis diwulang ning kelas lan dibaleni ning omah. Lha … saiki jamane jaman reformasi, ketoke sing mengkono kuwi
ra patiyo digatekake maneh. Dadi wae yo kaya mengkono, dadi kabeh mutlak dudu kesalahane bocah-bocah”
“Lha iyo to … mosok si Paino kae ditakoni Ketua DPR, jawabane Nazaruddin. Ketua MPR jarene Aceng Fikri. Ditakoni apa kuwi KPK, jawabane Komisi Peyebab Kekrisuhan. MK kandane Mahkamah Konspirasi, KY kandane Komisine Yangku. Rak payah kabeh to Kang”
“Iya ya … yo wis kahanane kaya ngono Gong piye Maneh. Ning kowe ki ket mau tokan-takon wae, apa yo ngerti sing mbok takonake karo bocah-bocah kae ?”
“Yo jelas no Kang, lha aku kan pemerhati masalah politik, perkembangan dunia perpolitikan selalu inyong ikuti”
“Coba tak takoni. Sapa saiki ketua KPK ?”
“Yo Anas Purbasari to Kang”
“Ngawur kowe, dudu Anas, wis diganti karo Jokowi”
“Lha Jokowi rak rajane Solo to Kang ?”
“Iya ding … sing bener Bambang Pamungkas. Lha nek wapres ki sapa Gong?”
“Wah nek wapres ki aku rada lali, kelinganku rak wedok to Kang, Bu … bu .. sapa yo?”
“Halah … jarene permerhati masalah politik. Mung ditakoni ngono wae ra ngerti, piye to Gong. Wapres ki yo Bu Diana no, garwane Pak SBY”
—-
(Ternyata Bagong karo Petruk pada dene, anane mung ngawur tok … he he he …)
Filed under: Guyon Maton Pesbuk Tagged: bagong, guyon maton, petruk
