“Cangkriman maneh, Gong”
“Siap Kang Petruk”
“Didemok mlenyek, dituthuk mak ting, apa kuwi”
“Mosok barang sing mlenyek bisa ditutuk muni, Kang”
“Bisa wae, jawabane telek pitik ning cagak listrik”
“Lha kok bisa?”
“Coba yen bok demok, mlenyek kan ! Ning nek mbok tuthuk nganggo palu, swarane pasti beda, trus muni … tiiiing”
“Ooo iya ya. Gantian Kang, yen mangkat kaya nDara Werkudara, yen mulih kaya nDara Janaka, apa Kang”
“Bedhah wana”
“Salah Kang”
“Sowan maratuwa”
“Dudu kang”
“Njur apa Gong”
“Lha nek awakmu lagi kebelet kae lho Kang, terus rikat-rikat menyang mburi. Sakwise rampung amarga wis lega, mulihe kalem-kalem wae to”
“He he he …bener uga kowe Gong”
“Ana neh Kang, adoh-adoh di parani, bareng tekan mung di lewati, apa kuwi Kang”
“Apa Gong”
“Lawang omahmu to. Saben ndina mulih sawah sing dituju lawang omah, eee… bareng teka mung dilewati tok”
“Gantian Gong, ndase abang awak’e ijo, mlakune mundur, apa Gong”
“Anakke yu Ponijem nggango topi abang, klambine ijo, mlakune atret”
“Walah jawabane kok ngono, nek ana tenan yo bener, ning nek jawabane ngono yo luput”
“Trus apa Kang jawabane?”
“Gampang no, jawabane yo Obat Nyamuk mbok sumet”
“Ooo … iya ya. Lha nek bedane susu nona karo susu cap nona apa Kang ?”
“Emoh ah … saru kuwi !”
“Ora saru Kang, iki ilmiah kok”
“Ilmiah piye, trus apa bedane”
“Bedane … yen susu cap nona kuwi KENTAL MANIS, lha nek susu nona KENTAL KENTUL”
“Kental kentul … dengkulmu mlocot kuwi !!!”
Filed under: Guyon Maton Pesbuk Tagged: bagong, guyon maton, petruk
