Esuk nyuling mbengi nyuling
Sing nyuling saka tangga desa
Esuk eling mbengi tambah eling
Sing dieling-eling malah ora rumangsa
Prawan ayu jarike ijo
Nganggo kembang ning duwur dada
Tiwas larabranta ra dadi bojo
Luwih becik mati ra apa-apa
“Weleh … weleh Gong Gong, lha kok nelangsa tenan kowe
Ning mburi omah ana kali
watune akeh banyune mili
mesakake tenan adiku Bagong iki
putus cinta pengin nglalu bunuh diri
Anak bebek jenenge meri
dolan ning sawah ana sing keri
iki Gong tak wenehi tali
kanggo srana kowe bunuh diri
Pak bejo duwe atusan sapi
riyaya kurban ana sepuluh sing mati
mung welingku Gong adiku sing seksi
wanita kuwi ora mung sawiji
“Ning aku wis kebacut jatuh cinta je Kang Gareng karo Bawuk putrine Lik Parto kae”
“Gong … tak kandani yo, donya ki tidak selebar celana kolor .. eh daun kelor. Ijek akeh Bawuk Bawuk liyane. Yen kuwi dudu jodomu yo uwis. Golek liyane wae. Manungsa ki kudu berusaha, pasti karo Gusti Allah kowe wis diparingi jodone”
“Lha ning Bawuk kae jian imut tenan je Kang. Bocahe kenes, nek mesem terus ngguyu …. biyuh biyuh … mak tratap atiku”
“Tak nembang Asmarandana yo Gong yo
Gegaraning wong akrami
Dudu bandha dudu rupa
Amung ati pawitané
Luput pisan kena pisan
Lamun gampang luwih gampang
Lamun angèl, angèl kalangkung
Tan kena tinumbas arta
Pedoman bagi orang yang akan menikah
Bukan harta bukan rupa
Hanyalah hati yang harus didahulukan
Luput sekali memperoleh sekali
Bila mudah kan terasa mudah
Pabila merasa susah, sungguh terasa lebih berat
Semuanya tak dapat dibeli oleh uang dan kekayaan
“Iya ya Kang, dadi ra perlu patah hati ya Kang”
“Halah ndadak nganggo patah hati barang, ora usah kemaki kowe Gong !”
Filed under: Guyon Maton Pesbuk Tagged: bagong, gareng, guyon maton
